庭園咖啡室 (Under Renovation)

放工經過嚟試下重新開業嘅Garden Cafe,非常失望。之前GardenCafe嘅咖哩雞非常好食，辣味夠，雞扒醃過入味，加埋印度薄餅脆，每次去親必嗌。今次叫咗個印度紅咖哩雞飯配春卷，聽個名都有D奇怪，點解會配春卷。食落就知中伏，咖哩係泰國咖哩咁有香茅味，D雪雞冇醃過重有朕腥臭味，春卷似D來貨配泰式甜辣醬。同行人食白汁海鮮焗飯，質感味道都似係茶餐廳用粉開嘅白汁，冇咁以前食嘅奶味。好肯定唔係轉咗廚房就係轉咗手，如無意外應該唔會再試。