新斗記 (Closed)

我無數過呢度幾耐會轉一次餐牌，不過每一次見到佢轉左之後有我心儀嘅點心，我就會高興到不得了!我地一家4口嚟到每次都唔係嗌好多野，不過佢加價都狼狼地。好似呢個北菇滑雞飯，佢呢度啲煲仔飯真係唔錯! 因為唔係好似明星咁，啲煲仔飯係個飯煲放落去，然後焗一焗咁hea你，佢係真係有飯焦架! 同埋雞件好滑係真嘅! 淋埋豉油上去焗一焗，真是人間美味喔~! 不過價錢都合理~呢個蜆芥鯪魚球當然無得同中山啲蜆芥鯪魚球比，因為我食過最好食嘅真係o係中山~ 不過呢度都唔差，上碟係熱辣辣，佢地完全唔係炸粉蓋住個鯪魚球，而蜆芥亦都唔腥~ 到我最鍾意嘅黑椒蒸豬肚啦~~~ 佢呢度係真係整得好好，每一舊大小適中，仲唔會有過濃嘅黑椒味，下面墊底嘅蘿白都好好食。不過呢...呢碗芋頭西米露就麻麻地，好稀，無乜味咁，雖然有大小西米，叫有啲口感，但明顯落唔夠椰汁~總括來講，係大圍區呢間飲茶真係叫好好食架啦~ 係價錢冠絕全大圍囉~ 不過如果想食啲更精緻啲嘅點心，可以去隔離粵軒。