Video
Read full review
2018-03-19
1612 views
幾乎每天途經的柯士甸道一直帶畀我冇嘢好食嘅印象，整整十分鐘路程只有三、四間相隔甚遠嘅餐廳，估唔到喺覺士道轉個彎又係另一番光景。德成街好短，但兩側食店林立，各有風格。今次嚟嘅呢間cafe午市人流頗多，裝潢予人悠閒寫意之感，但難得lunch break，食客比起恬靜似乎更珍惜暢所欲言嘅自由。廚房小小，食物即叫即製，店員忙得喘不過氣來，為cafe更添一份熱鬧。午市選擇頗多，當中韓式手撕雞漢堡伴紅菜頭最具特色。麵包邊位烘脆，但因為夠厚身，內層仍然鬆軟。一向唔太鍾意韓醬偏甜過漏嘅味道。但呢道嘅手撕雞醃得乾身，味道唔會過濃，微辣、少甜，恰到好處。即使係漢堡專賣店一般都只會用上片裝芝士，當然，品質會有高低之分，但好似呢度咁用上厚身，看似由件裝芝士切出嚟嘅，就真係好少見。紅菜頭嘅清甜為漢堡帶來小清新。法式紅酒燴牛肋條長通粉嘅醬汁係整道菜嘅焦點。鮮甜且帶牛肉香，唔會過杰/過稀。牛肋條切得大塊，但部份帶筋，有點難咬開。不過相當入味，亦無overcooked。柚子醋沙律向來都係冇得輸嘅配搭。沙律亦相當大份，一個人應該食唔晒。作為cafe，糕點種類比較少，款式比較傳統。Dark Brownie擺盤之精緻與$2
德成街好短，但兩側食店林立，各有風格。今次嚟嘅呢間cafe午市人流頗多，裝潢予人悠閒寫意之感，但難得lunch break，食客比起恬靜似乎更珍惜暢所欲言嘅自由。
廚房小小，食物即叫即製，店員忙得喘不過氣來，為cafe更添一份熱鬧。午市選擇頗多，當中韓式手撕雞漢堡伴紅菜頭最具特色。
韓式手撕雞漢堡伴紅菜頭
$78
19 views
0 likes
0 comments
麵包邊位烘脆，但因為夠厚身，內層仍然鬆軟。
一向唔太鍾意韓醬偏甜過漏嘅味道。但呢道嘅手撕雞醃得乾身，味道唔會過濃，微辣、少甜，恰到好處。
即使係漢堡專賣店一般都只會用上片裝芝士，當然，品質會有高低之分，但好似呢度咁用上厚身，看似由件裝芝士切出嚟嘅，就真係好少見。
紅菜頭嘅清甜為漢堡帶來小清新。
法式紅酒燴牛肋條長通粉嘅醬汁係整道菜嘅焦點。鮮甜且帶牛肉香，唔會過杰/過稀。
法式紅酒燴牛肋條長通粉
$88
23 views
0 likes
0 comments
牛肋條切得大塊，但部份帶筋，有點難咬開。不過相當入味，亦無overcooked。
柚子醋沙律向來都係冇得輸嘅配搭。沙律亦相當大份，一個人應該食唔晒。
柚子醋田園沙律
$68
22 views
0 likes
0 comments
作為cafe，糕點種類比較少，款式比較傳統。
Dark Brownie擺盤之精緻與$29價錢不成正比~Brownie 相當大塊，外層烘得輕薄脆身。朱古力味濃，但dark cho嘅甘苦味仲係差咁啲，內層亦可再暖一啲。意想不到嘅係cream打得十分出色。忌廉味重，但因為冇用上太多牛油，食落口輕盈軟滑，配上brownie令人胃口大開。
Dark Brownie
$29
9 views
0 likes
0 comments
咖啡款式多，當中不少係特色咖啡，但用豆講究嘅精品咖啡亦係cafe嘅主打。
我唔係「品味咖啡」嘅人，慶幸自己係一個幾享受甘苦味嘅人，飲黑咖啡絕唔會叫苦連天。
Floral Garden係一份taste set，坦白講未有道行去品評。
兩杯咖啡溫度唔同，唔似連鎖咖啡店一味煲熱咖啡。點餐時見到其他客人嘅咖啡拉花，幾乎冇撞款。
帶果酸味，但唔苦澀。
呢杯相對綿滑得多。個人嚟講希望咖啡能夠再苦一啲。
整體嚟講主食、甜品比咖啡更吸引。
點餐時聽到咖啡有分花香同果香，店員好用心解釋，但當中唔少客人都同我一樣係咖啡外行人。希望將來有啲「惜啡」之人，試試佢哋嘅咖啡，再分享吓佢哋用心沖調嘅咖啡係咪真係特別好飲~
Post
