Diff. Cafe (Closed)

Carton前排大病左1場，冇得食好西，今日見身體好返啲，大股東就帶我去食野補返好個身體，而佢又知我想食西餐，所以就帶左去Cafe食個brunch 🥰去到荃灣享和街，係1間角落既店舖，非常簡約，好舒服，大股東就話係呢到喇，快啲入去啦😋入到去，睇左menu，就叫左呢啲野食：- 牛油果醬軟殼蟹🦀漢堡配薯條🍔🍟- 煙三文魚雞胸藜麥沙律🥗- 伯爵茶☕️- Dirty🥤充滿奶味既Dirty🥰首先黎既係煙三文魚雞胸藜麥沙律，由於岩岩好返唔可以咁heavy，所以食返啲菜同藜麥補補身，雞胸1般都會煮得好老，但呢到食落去好嫩滑，好食🥰沙律菜亦加上佢地既秘制沙律醬，食落去酸酸甜甜好開胃，雖然岩岩好返，但都好有胃口咁食曬😋至於牛油果醬軟殼蟹漢堡🍔配薯條🍟，我亦偷食左少少🤣軟殼蟹食落去唔算厚粉，加上牛油果醬，件事岩岩好👍食得包包就食埋薯條啦，傳統的西式厚薯條，開心😋總結：店舖雖然唔大，但裝修簡約令人感覺好舒服，可以坐耐啲啲都唔會厭🥰食物夠曬健康，但唔會因為健康而令食物既味道變淡👍有機會會試埋佢地既意粉系列🤤