法國雪山咖啡 (Closed)

係百無了賴嘅星期六去左遠離繁囂嘅跑馬地半山行吓。正因為隔涉先至可以喺呢度感受到平時冇嘅寧靜同自在。行行吓竟然係一個轉角位搵到一間人世西餐廳，出面寫住主廚係法國人，一於試下啦！呢度嘅午餐人均200幾蚊，係半山區算係可以接受嘅價錢。大多數顧客都著得好悠閒，應該係係呢度附近嘅居民。午餐配有機沙律或者湯，我選擇咗前者，感覺比較輕盈。幾滿意呢個沙律因為沙律菜好新鮮。藍莓粒粒都好飽滿好甜美，無花果青青地，口感有趣。主菜方面，我揀左錫紙焗檸檬三文魚柳。雖然比起友人揀嘅燒鵪鶉脾普通，但係味道有水準！七成熟嘅魚柳口感細嫩唔會鞋口，魚肉嘅肉質無流失，正！半碟嘅係薯仔同埋蕃茄。薯仔切成片，層與層之間放滿忌廉，好Rich！蕃茄入面讓左芝士同埋蒜蓉，美味滿分。另加嘅甜品係皇帝批，批底鬆脆，杏仁味香濃。加埋一杯有水準嘅咖啡作結，十分滿足。