串燒屋

Open Now

Now Closed

夏天都可以嘆住冷氣，唔駛自己串，唔駛自己燒，自動轉轉燒！ 位於觀塘嘅呢間串燒網燒放題店，$198起，就可以任飲任食2.5小時，深得街坊喜愛💕串燒有美國穀飼牛西冷、牛肋條、厚切牛舌、泰式豬頸肉、雞腿肉、牛筋丸、花枝丸、炸魚蛋、多春魚、海蝦等。 特別推介爽彈肉味濃嘅豬頸肉及牛舌！ 至於網燒就有手掌咁大隻蒜蓉烤蠔🦪、青口、羊排、熊本一口牛、安格斯牛肩肉、原味牛仔骨、厚燒玉子等！ 一口牛有大理石紋，脂肪比例均勻，入口嫩滑牛肉味香濃！ 厚燒玉子有驚喜，烤至外脆內軟，蛋味突出！另外亦供應多款炸物，如炸泰式蝦餅魚餅、吉列生蠔、吉列魷魚圈、唐揚雞塊、炸日式捧捧餃子🥟等，即叫即炸，熱燙燙的，酥脆香口！ 放題還有飲品、涼茶、前菜小食、及甜品，都是任食的！