肥公車仔麵 (Closed)

車仔麵真係要食肥公真係無講錯，簡簡單單嘅車仔麵最重要就係D餸要夠入味。聽講雞翼係必食嘅，真係炆得好入味，江湖傳聞仲要係話3點後食會好味D，因為時間耐D會更加入味。豬皮都好掂，爽得黎又會吸咗D湯。豬大腸正就正在佢係用豬嘅小腸，就係攣吓攣吓嗰個部份，食落更煙軔同埋少D肥膏。酸齋都好食，其實就係D腐皮麵筋，不過因為厚身D所以好味過D豆腐卜。佢個牛筋腩又係一絕，入味到呢。