越男仔 (Closed)

今日荃灣睇完戲之後想食越南嘢，聽朋友講附近有間性價比好高嘅越南餐廳，就係越男仔叫咗個黃薑海南雞飯，配炸魚同鳳爪沙律，另外叫咗個炸軟殼蟹配蒜蓉包，兩個嘢食都包湯，叫咗一個雞腳湯，一個冬陰功湯，最後再加咗一碟招牌越南炸春卷黃薑飯一啲都唔油，配埋嫩滑嘅海南雞，非常高質，至於炸魚同鳳爪沙律都好出色，炸魚炸得香脆可口，而鳳爪已經去咗骨，酸酸甜甜好開胃；呢餐飯嘅亮點一定係軟殼蟹配蒜蓉包，軟殼蟹份量好慷慨，有四至五大件，而蒜蓉包炸得非常之香脆，蒜蓉醬落得毫不吝嗇，再加上中間夾雜着嘅金邊粉，既飽肚又好食，最後個越南春卷不愧係佢哋嘅招牌菜，除咗大大件之外，仲炸得香脆可口，而且唔會過分油膩呢間餐廳位於荃灣西市中心，地點方便，而且餐廳裝修甚有特色，食物性價比高，推薦#越男仔