The Boathouse (Closed)

本來今日入嚟係食泗益，點知無開><(今日星期三咋喎！佢休例二）😍😍揀呢間係因為個outlook好吸引～～我地揀左坐室內上左2樓，因為啱啱落完雨驚會好焗。呢到有3層，女士洗手間係頂樓。成個環境都好有海邊渡假小屋feel🙂仲有幾多遊客嚟呢到食添。三人叫左三個tea set份量好夠好大碟加上都係煎煎炸炸比較油膩...最後食唔晒😅😅不過個set係唔包嘢飲，都唔知仲叫唔叫set😂仲要加10%我地叫左份burger、雞翼、炸魚薯條同三杯嘢飲。但係大部份都好油喔！魚柳同雞翼佢無吸一吸啲油先上或者揾菜墊底，魚柳一切開個脆漿到係有油流出嚟😑😑，雞翼食到最底果啲好似紅油浸咁，我地驚左無食到。不過味道係ok嘅！個包好大個又厚，不過啲肉柴左少少好dry係homemade feel～～薯條有啲勁咸，可能用幼鹽會均勻啲。朋友話佢杯蕃茄汁好好味好清爽！我杯凍咖啡就無咩特別la。下次應該會試過第間。