野玩山店 (Closed)

野玩系列總共有三間分店，之前食過太子始創的海店印象不錯。上網睇山店食評見到有半自助晚餐，可以任食頭盤同甜品加一款主菜，價錢由百幾至三百幾不等。通常自助晚餐如果有海鮮的話，動輒五六百蚊實在太貴，半自助既可任食頭盤甜品，又因為只限一款主菜唔會食得過飽，於是擇日同老公享用山店的半自助晚餐。野玩山店一入門口已經見到自助頭盤同甜品分開兩邊擺放。頭盤有較重本的煙三文魚、凍肉、青口，亦有兩款沙律菜，配沙律菜可以揀紅菜頭、雅枝竹、黑欖、紅腰豆、雞心豆，更有已調味的沙律，意粉沙律與韓式泡菜，選擇十分豐富。另一邊廂的甜品有切片生果、凍糕、蛋糕仔、芝士蛋糕、馬卡龍、泡夫等。野玩山店亦有擺賣行山露營用品，不過佔地較少，似擺設多一點。半自助晚餐先上餐湯及餐包，餐湯為雜菜湯，材料豐富，味道亦見鮮甜。餐包有兩款之多，麵包條很香脆，另一餐包內有黑欖碎，味道芳香濃郁，帶有輕輕的鹹味。主菜有多款選擇，可揀意粉飯漢堡包海鮮或肉類。油甘魚以蕉葉烤焗比較少見，食油甘魚多數為刺身，烤焗油甘魚肉質較為結實且肉味較濃，此菜有兩件之多，食完實在非常飽肚。燒烤海鮮拼盤用料豐富，有大蝦、比目魚柳，帶子及魷魚，每樣都有兩件之多，下面仲有薯條