Alchemy ORIGIN

Open Now

Now Closed

之前有食過尖沙咀嘅分店，而家喺鰂魚涌返工就試下新店。今次鰂魚涌分店嘅裝修更上另一個層次。價錢同尖沙咀分店一樣，尚算親民，味道同埋環境依舊高質。適合輕鬆地見客，或者幾個同事想坐得舒服啲傾計嘅時候嚟食。厚切意大利煙肉卡邦尼意粉真係厚切，好有咬口！醬汁Creamy得來唔膩，唔係超厚身果種。意粉幾有彈性，亦都好掛汁，所以值得推介青醬忌廉雞肉長通粉同頭先嗰款係另一個口味，青醬嘅口味幾突出，幾香口。雞肉係極度足料，而且肉質都幾滑！烤雞菠蘿漢堡配乳酪醬及焗薯第一次食佢嘅burger，老實講真係好有驚喜。個烤雞係有兩大片！烤雞嘅香料味，同埋菠蘿嘅配合非常之夾。再加埋蕃茄，生菜，食得出唔同嘅層次。仲有想讚個麵包，係稍稍烤熱過，帶少少甜味，製作認真伯爵茶鮮奶巧克力晚餐食，所以冇叫咖啡，但係呢間餐廳都出名佢嘅朱古力，所以試咗呢杯咁特別嘅。伯爵茶同朱古力都意外地夾，嚟到係剛剛可以入口嘅溫度，我覺得伯爵茶同朱古力個比例做得好好（本人鍾意茶味＞朱古力味）法式西多士配自家制雜莓醬西多士都意外地出色，厚切嘅麵包，但係都有吸收晒蛋漿，所以咬落去都充滿蛋香，配埋帶酸味嘅雜莓醬，剛剛好！如果鍾意甜味嘅話，建議可以落多啲糖粉