Video
Read full review
2018-11-06
887 views
講開Delifrance，佢喺小弟最初認識法國美食嘅餐廳，需知十幾廿年前，法國菜都唔喺叫話好普及得緊要，上法國餐廳食飯喺何等大嘅一件事，而當時嘅Delifrance雖然喺賣法國嘢，但就走輕鬆、簡約嘅模式，定價亦相宜。早排，同老婆出開尖東，就到訪「新文華中心」嘅Delifrance輕鬆食番餐晏。餐廳開晌商場內，佔商場一個大角落，地方都頗大，裝潢以法國咖啡店為主，一邊挨住落地大玻璃窗，我哋就當然搵個窗邊位啦，外面正正陽光普照，感覺更舒服。晌出面櫃位，亦擺放咗好多法式麵包、鹹點、蛋糕……等等，外觀吸引，引人駐足觀看。而電子餐牌就晌櫃位上面，分別以3大類列出所有美食：經典精選、法式滋味及新品嘅特色千層麵。當中，你會發覺每樣食物都有兩個價，一個喺雙拼套餐價，另一個喺三拼套餐價，除主食，就視乎你想配跟餐沙律、是日餐湯、餐飲中嘅一款定兩款而已。自己揾好位，落單後就由店員將食物送上，然而，餐具、調味料……等等，就自行在出面搞掂。黃櫛瓜配蔬菜千層麵 $79（雙拼價）晌特色千層麵系列中，其中一款喺全素，啱晒我老婆啦，所以，二話不說就相中佢。以意大利黃櫛瓜、水牛芝士、忌廉香草蕃茄汁配千層麵，焗出嚟效果幾香，
餐廳開晌商場內，佔商場一個大角落，地方都頗大，裝潢以法國咖啡店為主，一邊挨住落地大玻璃窗，我哋就當然搵個窗邊位啦，外面正正陽光普照，感覺更舒服。
晌出面櫃位，亦擺放咗好多法式麵包、鹹點、蛋糕……等等，外觀吸引，引人駐足觀看。
而電子餐牌就晌櫃位上面，分別以3大類列出所有美食：經典精選、法式滋味及新品嘅特色千層麵。當中，你會發覺每樣食物都有兩個價，一個喺雙拼套餐價，另一個喺三拼套餐價，除主食，就視乎你想配跟餐沙律、是日餐湯、餐飲中嘅一款定兩款而已。
自己揾好位，落單後就由店員將食物送上，然而，餐具、調味料……等等，就自行在出面搞掂。
黃櫛瓜配蔬菜千層麵 $79（雙拼價）晌特色千層麵系列中，其中一款喺全素，啱晒我老婆啦，所以，二話不說就相中佢。以意大利黃櫛瓜、水牛芝士、忌廉香草蕃茄汁配千層麵，焗出嚟效果幾香，千層麵有咬口，整體上味道又唔會太淡口，加上仲伴有好多蕃茄蓉，酸香而清爽，而兩側嘅薯蓉，亦打得幼滑充滿薯味。
蕃茄芝士忌廉湯（跟餐）比起飲品，老婆就喜歡飲湯多啲，蕃茄芝士忌廉湯亦好啱佢。雖然話加入芝士，其實唔喺好覺，反而蕃茄嘅味道幾突出，口感柔滑，仲伴有一片百吉包襯番碗湯。
焗椰香雞野菌飯 $75（雙拼價）小弟本來都想食啲牛角酥、百吉包套餐，但呢個飯似乎夠合老婆嘅健康標準，反正我咩都啱食。送上枱時散發出陣陣椰香，而個飯底都幾爽口，撈勻啲汁淨食都覺得好味；而雞肉比預期中嫩滑，野菌都喺新鮮貨，非罐頭嘢，故此，我哋都相當滿意。
即磨咖啡（跟餐）餐後，未有即時離開，悠閒咁坐多陣，一邊呷着杯即磨咖啡，一邊享受溫暖嘅陽光，想想旅行嘅事情，喺何等喜樂之事。
Delifrance屹立香港都好多年，雖然一路以嚟都唔算好起眼，但總有一定嘅實力，就如今日所試嘅兩款主菜，既合口味，又做得唔錯。
Post
