Délifrance (Closed)

繁忙的都市嚟一個優閒舒適的午餐，尖沙咀Delifrance 是一個不錯的選擇！靠近窗邊可以看著途人怱怱而過，我好像置身另一個空間，優閒水。點餐速度快、出食品速度都非常快捷，送上枱之大蝦🍤天使麵是我最愛之熱騰騰的溫度，裡面有3隻大蝦，天使麵份量剛好，有鮮蕃茄肉，味道剛好；忍不住大快朵頤可選餐湯或沙拉🥗，雜菜餐湯都是熱呼呼的。飲料可以選擇果汁，升級+$9可以享用cappuccino,對我嚟講真係好抵。整體來說，這餐飯十分滿意！

有餐飲，有前菜(蕃茄濃湯超讚)，有主食(千層麵用心制作，如細食既亦可以選pizza, 班尼包)，仲有甜品，呢個價錢同茶餐廳差不多，但用料新鮮，環境寧靜更適合好友飯聚or二人世界。

平時唔會無啦啦去食delifrancs，因為太貴💰，但最近佢回收月餅盒可以換$50 coupon (消費滿$100可以用)，我換咗兩張，所以同屋企人一齊去食。對上一次食已經係十幾年前，食過佢個焗薯，幾好食，對呢間野印象唔錯，所以係抱住一個期待嘅心去。點知，真係大失望！先唔講價錢，佢嘅食物差到唔係一間餐廳應該有嘅質素！🤮🤮講埋價錢嘅話，真係貼錢買難受！😡😡先講呢個 ”蘑菇長通粉 配 炒蛋班里尼包”。侍應一端上尼，我已經o哂咀，個炒蛋班里尼包貌相係何其醜！！個店員都有面放上我哋張枱度？！食落去仲衰，個蛋入邊充滿蛋殼！！ 嚟晒大譜！！😡再試個長通粉，個粉仲係硬嘅，未煮熟，啲粉黐埋哂，啲蘑菇又係生嘅！！真係冇嘢好講！！😡已經震驚到冇心要攞去換，眼都突埋。。然後係呢個 “拿破里菠蘿西蘭花扁意粉”。罐頭菠蘿幾舊 + 熠熟西蘭花幾舊 + 罐頭番茄醬一pat + 熠熟扁意粉一堆，完！冇味道，冇質素，冇技術可言！頹過學校canteen頹意粉，人哋20蚊都好過你個66蚊！🤮最後係呢個 “牛油果素菜三文治 配 沙律餐湯”。個三文治就係塊包上面求其放啲菜 (生菜，生洋蔥，青瓜，蕃茄) 最後一細pat嘅牛油果。

今日有幸接受採訪，要搵個合適嘅環境逗留1小時左右，最後揀咗尖沙咀嘅delifrance，之前食過荃灣分店，都幾好食。  叫咗個二人餐，有兩個前菜（自選湯/焗薯批/沙律），兩個自選主菜，兩杯飲品，兩個雪糕甜品，埋單都唔洗$180，呢個價錢值晒👍  湯係蕃茄湯，無咩特別，唔會難飲  焗薯批係delifrance熱門菜，必食，正嘢  主菜點咗拿坡里大蝦蜆肉炒天使麵，老公話一般，夠酸，蕃茄味夠濃，夠大碟 我主菜叫咗烤雞野菌炒長通粉, 芝士忌廉味好正👍 有埋甜品雪糕 真係好完美，訪問亦都好順利，環境唔會好嘈，傾得好舒服👍

食得多豐盛既晚餐 間中都想來個輕食晚餐 剛好同飯腳去尖沙咀品酒 半飽半膩狀態之下 於是走到尖東附近睇睇有咩輕食之選 見到Délifrance 回憶即刻返晒黎 好耐都無食過了 而且Délifrance已經買少見少...Délifrance主打輕食 當然亦有不少飽肚之選 例如意粉之類 不過半飽半膩 來一客牛油果素麥包+素菜湯最適合不過 既可滿足口腹亦不會加重負擔 麥包質感頗硬 一如麥包質地不過亦不難入口 入口有點粗糙 不過幸而味道不錯配上新鮮生菜青瓜蕃茄生洋蔥以及牛油果  再沾上黑醋汁 味道酸酸地又帶有輕淡甜味 配合得宜 口感清新唔覺膩 加上全素 倍感健康 不過就是略嫌牛油果太少 食落完全唔覺有牛油果存在 有點可惜 蔬菜湯味道酸酸 菜料都不算少 飲落頗開胃 餐湯配有一小塊麥包 用來沾湯伴食蠻不錯 餐廳周遭氣氛寧靜 店員亦不會趕客悠閒地坐上半日 實屬偷得浮身半日閒

放工之後要去尖沙咀上堂，有大半個鐘頭畀我食個晚飯同休息一下，所以自自然然就會揀啲坐得耐嘅，同埋輕食為主，位於班房旁邊嘅delifrance就突然間成為我嘅飯堂。因為已經食過幾次，所以就集合埋一齊post相。白汁青芥末蝦牛角酥。呢個牛角酥嘅味道都幾豐富。青芥末辣辣地都幾開胃。配上幾隻鮮蝦都幾鮮甜彈牙。不過可惜男仔食嘅話就會唔夠飽。火雞芝士軟包。叫完先知道原來火雞隻有薄薄一塊，所以真係嘛嘛，同樣係冇乜飽肚感。白汁煙三文魚麵包。我覺得呢度嘅白汁系列都係王牌，白汁煙三文魚嘅分量夠多，而且食落非常creamy, 再配上軟包真係好滿足。咖啡就香濃大杯，質素唔錯，所以都值得推薦。

一向對Delifrance依類型既連鎖餐廳我感覺一般。今日咁岩放半日假，見到餐廳不太多人，就諗住入去食個下午茶, hea返一個鐘🤣其實我未食lunch，所以叫個豐富d既set!T5餐有一碗長通粉、三文魚炒蛋同牛角酥，HKD48! 好似唔錯～長通粉嘅湯底係好香濃既雞湯，配粒粒蘑菇同火雞片，出乎意外地好食😻三文魚炒蛋都好足料！煙三文魚同雞蛋一向都係唔錯嘅配搭😌牛角包睇落黑左少少😹 食落非常鬆脆！下次我買牛角包返屋企，都會試下把它烤一烤😎原來Delifrance的食物質素都ok, 下次可以再光顧🙋🏼‍♀️

星期日放假例排訓到無10點都唔起身，諗住趕11點食茶餐廳早餐，可惜去到都已經完左。見到隔離有delifrance去碰運氣，原來佢地早餐供應到11點半，所以趕得及嘆翻個西式早餐。早餐人流唔多唔使點排隊，呢間分店都算寛闊，座位鬆動坐得舒服。早餐選擇都幾多， 大多都可以自由選擇要煎蛋定炒蛋，以及麵包的種類。如果肚餓來一份all day breakfast都係80蚊有找，價錢親民。Menu當中的自選特級早餐可以自由配搭3款自己想食嘅配料，覺得唔夠飽仲可以加12蚊叫多碗通粉都得，最後選了這個餐連飲品都是44蚊。麵包有幾款可以選擇，法包、芝麻包、牛奶多士同牛角包等，最後我要了牛角包。雖然牛角包沒有剛出爐那種熱騰騰的感覺，但仍然酥脆可口，牛油味重。三份任選配料當中，蘑菇份量有點少且欠調味，珍寶腸喺長身嘅脆皮腸，味道尚可。反而雞扒有驚喜，調味做得唔錯腌得好入味，雞肉煎完後仍然維持到嫩滑多汁。男朋友點的煎雙蛋整得唔錯，蛋邊微焦，蛋黃上枱時仲係流心，沒有過熟。他跟餐的蘑菇湯長通粉味道一般，略嫌湯底比較稀同淡味，似溝多左水嘅罐頭蘑菇湯，面頭的那片火雞片也偏淡。整體水準不過不失，用餐環境舒適唔使好似其他快餐店

I do not visit Delifrance for a very long time since the food  cannot please my palate and so the price-performance ratio is low .  As I have $50 voucher which can be used upon$100 purchase, I visited again with my sister.I chose a 2 courses set of Beef Lasagna ($77) with tomato soupw/cheese.  Tomato soup was general withthe taste of ready-made tomato soup adding some cheese .  For the main of Beef Lasagna, there was onlya bit of minced beef and cheese with a hint of sweet tomato flavour. Though

本來DeliFrance 的牛角酥一向都係水準嘅保證，但最近2次發現size 細佐，包底內好似有d 唔夠熱透，個雞扒又細佐一個size, 好彩個腸仔size無變, 唔係真係有啲唔夠飽！

講開Delifrance，佢喺小弟最初認識法國美食嘅餐廳，需知十幾廿年前，法國菜都唔喺叫話好普及得緊要，上法國餐廳食飯喺何等大嘅一件事，而當時嘅Delifrance雖然喺賣法國嘢，但就走輕鬆、簡約嘅模式，定價亦相宜。早排，同老婆出開尖東，就到訪「新文華中心」嘅Delifrance輕鬆食番餐晏。餐廳開晌商場內，佔商場一個大角落，地方都頗大，裝潢以法國咖啡店為主，一邊挨住落地大玻璃窗，我哋就當然搵個窗邊位啦，外面正正陽光普照，感覺更舒服。晌出面櫃位，亦擺放咗好多法式麵包、鹹點、蛋糕……等等，外觀吸引，引人駐足觀看。而電子餐牌就晌櫃位上面，分別以3大類列出所有美食：經典精選、法式滋味及新品嘅特色千層麵。當中，你會發覺每樣食物都有兩個價，一個喺雙拼套餐價，另一個喺三拼套餐價，除主食，就視乎你想配跟餐沙律、是日餐湯、餐飲中嘅一款定兩款而已。自己揾好位，落單後就由店員將食物送上，然而，餐具、調味料……等等，就自行在出面搞掂。黃櫛瓜配蔬菜千層麵 $79（雙拼價）晌特色千層麵系列中，其中一款喺全素，啱晒我老婆啦，所以，二話不說就相中佢。以意大利黃櫛瓜、水牛芝士、忌廉香草蕃茄汁配千層麵，焗出嚟效果幾香，

利用環保同中秋節節後商機，係第一輪月餅鐵盒換取$50現金coupon 火速換晒！第二輪換領不敢慢，第一日已經去換左coupons. 要消費滿$100 先可用一張$50，而且不能同時使用多於一張。因為要用coupon, 於是叫左兩個最貴的晚餐，分別$106同$99，$99 仲加左$12 要多個超細酥先過$100兩個burger set, chicken and beef, 兩種肉都乾到一個點，又鞋又un, 個飽又超凍，連放入microwave 叮下都慳番！好不容易食左半個，已經頂唔順放棄，第一次做「大嘥鬼」Burger set 跟薯條🍟的，少得可憐！食Mc 記或茶記個薯條都好食過佢！ 呢餐真係好難「捱」！如果俾百幾蚊正價就好唔抵，而家半價都唔太值！只有沙律同湯正常。真係便宜莫貪！

今日黎到尖沙咀新文華中心既Delifrance，餐廳係樓上一樓，間鋪頭都算大間，門口有一個好大既餐牌：經典精選，可以簡三併套餐，即主菜+3選2（沙律/餐湯/餐飲）或者兩併套餐，即主菜+3選1（沙律/餐湯/餐飲），不過最抵食係下午茶套餐。下午茶套餐都有好多選擇，由T1到T10，全部都會配熱鮮磨咖啡/熱錫蘭奶茶/熱有機茶，如果轉凍飲就+4蚊，最後我選擇左T5: 迷你火雞片鮮蘑菇湯長通粉配煙三文魚炒蛋及法國貴族牛角酥，飲凍錫蘭奶茶。落完單後，職員會俾個號碼牌，但餐具要旁邊自取，等左5分鐘左右，餐就會有專人送上，牛角酥個Size都幾大，而炒蛋入面都搵到好多煙三文魚，味道唔錯。

今日純粹約下朋友傾計，估唔到有間咁好嘅舖頭，地點唔錯，都算近火車站，因為火車站外面有巴士可以返屋企，好方便。店舖環境唔錯，好靜，好乾淨，地方又大，坐位又多，隨隨便便都會有個靚位，好寬敝，感覺非常好。我以前成日以為Delifrance只有麵包賣，原來佢都有其他選擇，例如：焗薯，意粉，飯… 等等。今日叫咗個二人套餐加一個意粉，賣相全部都相當唔錯。二人套餐：前菜：可以揀餐湯或沙律，我哋揀咗餐湯，味道就鹹咗少少，唔知點解一般西湯都係偏鹹，所以可以接受。主菜揀咗兩款：肉醬千層麵：個樣好得意，四四方方好似個磚頭咁，哈哈！不過個千層麵係軟嘅，真係意粉唔係磚頭，有好濃嘅茄汁味，千層麵軟硬剛剛好，仲有沙律伴碟添，有齊色香味，好味道。焗椰香雞野菌飯：外觀就麻麻地，但送到枱嘅時候，椰香味係有飄出來的，個汁少少鹹，都香濃，不過今日唔想食飯，個人原因，我會揀食意粉多D。雲呢拿雪糕伴法式蝴蝶酥：個Friend心心眼都出埋，因為有我最愛嘅蝴蝶酥呀！又真係好脆，甜甜地，好好味，配埋雪糕，係一個圓滿晚餐嘅一部份。額外加嘅卡邦尼煙肉芝士炒扁意粉配煙三文魚：我最愛的煙三文魚，收歸我肚所有，好鮮甜，如果可以加配多兩塊就好啦～

Some Saturday afternoons If feeling lonely I try to cheer up my selfToday I walk around and found a setDelifrance afternoon coffee set44$Not too bad Because at weekends The worthy sets disappear even at that price At Tst east It's hard to find a seatput a lot of chocolate powder on top of coffee 2 mini French sandwiches Egg salad Salmon salad And The mini peach tartA tiny butter bar cake hot/cold water elegant glass window open view Newspapers All free New mandarin centre A French manner