Video
Read full review
2024-11-27
47 views
尖沙咀有好多好食店，有好幾條街喺韓國食店專屬，其他就百花齊放，但係如果選擇一條街包含每一個種類嘅頂尖，我就會揀阿士厘道。呢間居酒屋喺呢度屹立多年，果然係日式小食嘅好選擇。🍖我覺得居酒屋嘅重點，就係慢慢坐，慢慢傾，少少少少咁食，唔同種類都試吓。前菜就先嚟一個什錦魚生沙律。角切嘅做法，當然最適合分享，而我最鍾意係入邊加咗希露魚，令到成個咬感豐富好多，脆卜卜又好爽彈。🍖然後就係必點嘅串燒，豚肉同白葱味道超夾，日本嘅蔥，特別香，特別多汁，可以引出豚肉本身油香， 豬肉亦都唔會有騷味。另一個串燒係玉子，但係其實佢裏面係有飯，歸納為壽司亦都可以，不過就妹仔大過主人婆，玉子大份到上下都係，只係中間有一啲白飯。不過就非常有實用價值，只係食玉子就會帶出軟滑口感，但係多咗少少飯，玉子嘅蛋香就全部透過白飯揮發出嚟。🍖仲有一個雞髀肉串燒，燒過嘅雞肉上面搭上濃濃嘅醬油，非常嫩滑又惹味，同烤過嘅手羽先相影成趣，雞翼嘅外皮非常脆，加埋芝麻，相信系香港人最鍾意食嘅雞翼處理方法，基本上冇得輸。🍖我哋仲叫咗赤白卷同燒茄子。赤白卷，就係外邊系燒三文魚，裏面就係帶子既飯卷，兩種都係柔軟嘅食材，加啲白飯帶出層次，輕柔舒服。燒茄子
🍖我覺得居酒屋嘅重點，就係慢慢坐，慢慢傾，少少少少咁食，唔同種類都試吓。前菜就先嚟一個什錦魚生沙律。角切嘅做法，當然最適合分享，而我最鍾意係入邊加咗希露魚，令到成個咬感豐富好多，脆卜卜又好爽彈。
🍖然後就係必點嘅串燒，豚肉同白葱味道超夾，日本嘅蔥，特別香，特別多汁，可以引出豚肉本身油香， 豬肉亦都唔會有騷味。另一個串燒係玉子，但係其實佢裏面係有飯，歸納為壽司亦都可以，不過就妹仔大過主人婆，玉子大份到上下都係，只係中間有一啲白飯。不過就非常有實用價值，只係食玉子就會帶出軟滑口感，但係多咗少少飯，玉子嘅蛋香就全部透過白飯揮發出嚟。
🍖仲有一個雞髀肉串燒，燒過嘅雞肉上面搭上濃濃嘅醬油，非常嫩滑又惹味，同烤過嘅手羽先相影成趣，雞翼嘅外皮非常脆，加埋芝麻，相信系香港人最鍾意食嘅雞翼處理方法，基本上冇得輸。
🍖我哋仲叫咗赤白卷同燒茄子。赤白卷，就係外邊系燒三文魚，裏面就係帶子既飯卷，兩種都係柔軟嘅食材，加啲白飯帶出層次，輕柔舒服。燒茄子亦都去曬皮，加上蒜蓉，進食嘅時候輕鬆方便。
呢度果然係啱曬傾計，各樣嘅份量都處理得宜，又方便進食，系貼心嘅居酒屋！
Post
