Chapter 1 Cafe (Closed)

收工之後⋯當然想去搵食啦🤘🏼之前係openrice見到依間Cafe已經想試，所以同個朋友就去試下la，地址唔難搵，八點左右去到，滿座但好彩唔使等位，因為最後一張枱比我地坐咗啦餐廳地方好細，人手好少，食物大約要等20分鐘左右啦，可能我去嗰日比較多人。我哋叫咗一個set dinner,但係因為個餐湯賣晒，所以就轉左薯角，下次有機會好想試吓嗰個湯另外就叫咗兩個小吃，一個係必食芝士焗蘑菇，一個小食拼盤。真心推介依個焗蘑菇好好食👍🏼個餐我哋就叫左依個白汁煙肉意粉，個雞蛋係要撈勻佢先至再食嘅，個味道唔錯。飲品我哋叫咗士多啤梨朱古力奶昔，其實就覺得一般般，因為係比較唔凍，唔凍嘅奶昔有少少怪，飲品有少少失望。但係我見餐牌其實有花茶既飲品，下次有機會會再試吓。