麵屋 元祖達摩 (Closed)

今日又一人獨食去🌱入到去坐位好寬敞，環境舒適整潔，日本拉麵店典經風格。🍽 姬達摩辛辣拉麵 $82叫法有啲似車仔麵，基本上可以自選想要嘅湯底麵底同配料組合，岩曬你自己鐘意嘅口味。比較特別係配菜仲有豬軟骨、牛肉、野菜揀，有別於一般傳統拉麵。個人比較食鐘意食麻辣，譚仔視乎心情決定食中辣-大辣程度。幸好點餐前先問職員中辛與激辛差別，職員還是建議先試試中辛程度，如果唔夠可以再加。中辛已經去到最高的可接受程度，偏刺激。幼麵份量正常，個人食量唔大，自己一個食得曬所有麵+配茶。反而配料分量多過傳統拉麵店，荀都有好7-8片，牛肉都唔止4片，以為溏心蛋要加錢配，上餐至發現本來有配埋。湯底可以，唔油膩，但由於偏辣冇飲太多🙈。