Video
Read full review
2014-06-05
759 views
其實呢間品味鮮小廚都食過好多次，堂食外賣都試過，不過就外賣多。而且我地屋企次次都淨係外賣佢個水煮魚，所以今次篇食評主要都係評佢個水煮魚。好多人都話堂食有風味D，奈何可愛的爸爸媽媽不太喜歡外出食飯，我家姊弟又想食辣，唯有黎呢到叫個外賣解解癮。我唔知正宗既水煮魚係點，但係呢間舖頭既水煮魚我覺得好好味~首先佢夠辣，辣得黎有D麻，麻得黎又帶香，而且佢又唔會話好咸。因為我試過有D舖頭既水煮魚係好咸的，破壞晒成煲野~.~除左面頭既大魚片，個底仲有D薯粉、大荳芽、萵苣、酸菜等，其實都幾多料食。唔知係咪因為我地拎到返屋企會煲返熱先食，滾多兩滾，D辣味更出，D料更索味。雖然我地每次都只係叫小辣，但係屋企滾兩滾之後，次次都辣得好過癮 所以唔好睇少幅相入面個湯底D色水~仲有，同老闆娘傾開，佢話佢D魚會燻左先放落去，所以冇咁易散開或者爛晒。唔知其他賣水煮魚既舖頭係咪都係咁既呢？呢頭附近都有唔少舖頭賣四川菜，我地都試過佢地既水煮魚，但唯獨呢間會令我地返轉頭幫襯。除左味道外，價錢亦係其中一個重要既原因！呢到咁大煲既水煮魚，都只係賣$78！外面唔少舖頭閒閒地都賣過百一煲，或者呢到唔似人地成條魚咁上，只係一條大魚既一
好多人都話堂食有風味D，奈何可愛的爸爸媽媽不太喜歡外出食飯，我家姊弟又想食辣，唯有黎呢到叫個外賣解解癮。
我唔知正宗既水煮魚係點，但係呢間舖頭既水煮魚我覺得好好味~首先佢夠辣，辣得黎有D麻，麻得黎又帶香，而且佢又唔會話好咸。因為我試過有D舖頭既水煮魚係好咸的，破壞晒成煲野~.~
除左面頭既大魚片，個底仲有D薯粉、大荳芽、萵苣、酸菜等，其實都幾多料食。
唔知係咪因為我地拎到返屋企會煲返熱先食，滾多兩滾，D辣味更出，D料更索味。
雖然我地每次都只係叫小辣，但係屋企滾兩滾之後，次次都辣得好過癮
所以唔好睇少幅相入面個湯底D色水~
仲有，同老闆娘傾開，佢話佢D魚會燻左先放落去，所以冇咁易散開或者爛晒。唔知其他賣水煮魚既舖頭係咪都係咁既呢？
呢頭附近都有唔少舖頭賣四川菜，我地都試過佢地既水煮魚，但唯獨呢間會令我地返轉頭幫襯。
除左味道外，價錢亦係其中一個重要既原因！
呢到咁大煲既水煮魚，都只係賣$78！
外面唔少舖頭閒閒地都賣過百一煲，或者呢到唔似人地成條魚咁上，只係一條大魚既一部分，但都已經夠我地一家食。我地仲可以自己買料加落去煲添！
而且我地次次都會自己帶埋煲去買外賣，除左環保D之外，仲可以慳埋兩蚊外賣碗既錢！抵讚！
除左水煮魚，我地都試過佢地既雞煲，仲有干煸四季豆、干鍋肥腸、炒土豆絲等小菜，味道不過不失，同埋要預左味道會係偏濃重及多油。
始終都係比較鍾情佢地既水煮魚~
Post
