Video
Read full review
2021-09-14
1038 views
四川菜係香港都算受歡迎嘅菜式之一，成日都心思思想去唔同川菜館挑戰下🔥😛今次就嚟到係西營盤正街上面嘅川之源，店入面環境都有啲古色古香嘅感覺。呢度嘅川菜好多元化，淨係辣嘅菜式都有分水煮、泡椒、乾煸、香辣、麻辣、酸菜等唔同派別，可以根據自己偏好嘅口味嚟選擇。呢度收銀處位置仲有擺賣佢哋自家製作嘅辣椒油、花椒油等，可以買返屋企自己還原返個味道🤪水煮牛肉大大碗嘅水煮牛肉份量極大，有牛肉、芽菜、薯粉，牛肉好腍，芽菜爽口、粗身嘅薯粉煙靭度極高，好有咬口，口感豐富😗湯底雖然紅噹噹，但食落唔算超級辣，唔駛飲水，麻香同辣香十足，味道唔錯👍🏻紅油抄手呢款就相對辣啲，食落比較嗆喉🥵😂辣油辣勁甚高，好刺激。雲吞大大粒幾飽滿。青椒炒土豆絲另外仲叫咗個唔辣嘅青椒土豆絲，炒得乾爽爽口，解辣一流。桂花冰粉最後侍應送咗兩碗桂花冰粉比我哋，作為晚餐嘅ending啱啱好，冰粉滑捋捋，桂花糖味道清香唔太甜，食完刺激嘅辣嘢再食呢個就平衡晒😻😻人均消費：$200推介指數（10分為滿分）：7.5分
水煮牛肉
大大碗嘅水煮牛肉份量極大，有牛肉、芽菜、薯粉，牛肉好腍，芽菜爽口、粗身嘅薯粉煙靭度極高，好有咬口，口感豐富😗湯底雖然紅噹噹，但食落唔算超級辣，唔駛飲水，麻香同辣香十足，味道唔錯👍🏻
紅油抄手
呢款就相對辣啲，食落比較嗆喉🥵😂辣油辣勁甚高，好刺激。雲吞大大粒幾飽滿。
青椒炒土豆絲
另外仲叫咗個唔辣嘅青椒土豆絲，炒得乾爽爽口，解辣一流。
桂花冰粉
最後侍應送咗兩碗桂花冰粉比我哋，作為晚餐嘅ending啱啱好，冰粉滑捋捋，桂花糖味道清香唔太甜，食完刺激嘅辣嘢再食呢個就平衡晒😻😻
人均消費：$200
推介指數（10分為滿分）：7.5分
Post
