Video
Read full review
2011-01-29
15 views
還記得初到貴境，同事問我灣仔有邊間車仔麵好食，我本身都好少黎灣仔搵食，更何況係車仔麵，上網一搵，其中一間頗多好評的車仔麵，就是這間新記，但沒想到要一兩年後，才有機會一試。是日同事又車仔麵癮起，想起附近的大都吃過，想起登龍街尾這間新記，就提議到來。店仔細細，位置好full，中午時間，差不多人人「肩並肩」。我地選了個位坐底，就開始揀餸。呢度點野食都係靠檯上的紙筆，免卻出去叫又無左個位既情況。我叫了一碗豬大腸、貴花餃、八爪魚油麵，同事則叫了一碗魚腐、牛腩、牛筋。正當畫完單後，兩人都不約而同留意到店內雜誌剪報，此店出名在辣汁。我地兩個都唔係咁食得辣，惆悵要唔要加，但既然出名，最後決定其中一碗加少少。我果碗本是不辣，只在同事那碗加左少少辣汁，辣汁果然超辣！我本身不是吃得辣之人，加呢少少是勉強吃得消，再多真係頂唔順，奉勸各位唔食得辣唔好亂黎，最好有杯豆漿以備不時之需。我點的豬大腸、貴花餃、八爪魚非常滿意，事先無做過功課，但後來先知都係大家覺得好味的配料。我一向喜歡點非丸類東東，原因是這些才是店子加工過的真功夫。豬大腸用滷水醃過，而且中間肥膏盡去，炆得腍，入味之餘不失豬腸味；八爪魚也是滷過，但偏向潮
是日同事又車仔麵癮起，想起附近的大都吃過，想起登龍街尾這間新記，就提議到來。
店仔細細，位置好full，中午時間，差不多人人「肩並肩」。我地選了個位坐底，就開始揀餸。
呢度點野食都係靠檯上的紙筆，免卻出去叫又無左個位既情況。我叫了一碗豬大腸、貴花餃、八爪魚油麵，同事則叫了一碗魚腐、牛腩、牛筋。正當畫完單後，兩人都不約而同留意到店內雜誌剪報，此店出名在辣汁。我地兩個都唔係咁食得辣，惆悵要唔要加，但既然出名，最後決定其中一碗加少少。
我果碗本是不辣，只在同事那碗加左少少辣汁，辣汁果然超辣！我本身不是吃得辣之人，加呢少少是勉強吃得消，再多真係頂唔順，奉勸各位唔食得辣唔好亂黎，最好有杯豆漿以備不時之需。
我點的豬大腸、貴花餃、八爪魚非常滿意，事先無做過功課，但後來先知都係大家覺得好味的配料。我一向喜歡點非丸類東東，原因是這些才是店子加工過的真功夫。豬大腸用滷水醃過，而且中間肥膏盡去，炆得腍，入味之餘不失豬腸味；八爪魚也是滷過，但偏向潮州橙色做法，味道不錯；貴花餃得意，近似魚皮餃，但應該是豬肉製，但多吃幾隻後覺得還是魚皮餃較合我口味。這一碗，相比起辣汁，滷水汁令我更加印象深刻。
同事的魚腐、牛腩、牛筋，魚腐比較怪，並不是我地心目中的魚腐，質感過實，似魚蛋多過魚腐；牛腩、牛筋入味且腍，終對可以一試。最後加左杯豆漿，在這個辣汁的世界尤如甘露。
這一間的評語非常兩極化，主因看來都是因為價錢，$7一個餸還設最抵消費（$28），我也覺得以車仔麵黎講是偏貴的。但味道的確不錯，有機會再黎幫襯下其他配料吧。
Post
