鋼管廠五區小郡肝串串香 (Closed)

辣到噴火其實呢幾個字我好少會打出嚟，因為其實我個人本身都鍾意食辣，餐餐都無辣不歡，我自己都覺得自己可以食到中辣左右啦。但係呢度辣嘅程度可以話係100級，因為未食到落口，就咁望個鍋底已經系非常自紅，微滾嘅時候，不自覺會c咳左幾聲，莫講話在將啲食物就落去，再食落去嗰種辣。。但係呢一種感覺就係好正，哈雖然個鍋底非常之辣，但係佢用上嘅紅油同埋佢嘅配料係非常之香，渣唔多，食落去非常之惹味。除咗個鍋底之外呢度啲配料都係比較特色嘅，因為佢除咗一碟碟啲配料之外，佢會有串串香，一支支竹籤穿上唔同嘅食物，放落鍋到煮都唔怕唔見。各人扲住竹串吃，別有一番風味。呢度嘅收費係特別嘅，因為佢係以每一支竹籤食完之後嘅重量計算，我亦都問過100g的話大概係20支左右，而100g只收75蚊，一支不過3蚊多d，幾抵食下。特別推薦係豬皮同呢個牛肉包葱，點解會揀豬皮，因為豬皮可以索到晒所有鍋底嘅汁，料特別係辣汁，食落去非常之過癮。除咗串串香之外，呢度亦都會有啲熱食和甜點，好似呢部炸醋肉，即叫即整熱辣辣，火鍋，之前食一個都非常之香口。仲有呢一個紅糖冰粉係解辣嘅首選。