Video
Read full review
2008-03-25
8 views
復活節假第一日，我就即刻約個朋友去南丫島喇！其實一年都會去兩三次，好似返鄉下咁，貪佢旺中帶靜！言歸正傳，我哋兩個人去南丫島第一件事諗起就係一定要食呢檔串燒！一落船我哋兩個人直向住串燒檔進發，沿途仲喺度諗食邊幾樣，點知……去到嘅時候，暫時得番雞肉同魷魚！唔理喇！照要！我要咗雞肉及魷魚各一配中辣汁，一見喥已經流口水(而家講起又流過！) 熱辣辣加上中辣汁-- 嘩！正！起初啲雞肉望上去以為燒「老」咗，原來唔係，咬一啖仲有肉汁流出嚟，雖然都知係冰鮮，但都有啲肉汁，老細確係掂呀！唔駛三啖我已經解決串雞肉，再進攻串魷魚。魷魚燒得好香口！雖然全部都係魷魚鬚，但佢都燒得幾好，唔會個尾燶晒無得食！(不過見佢都有幾串係燒燶咗擺喺度無人要嘅！唔知點解仲唔扔呢？)個魷魚配個中辣汁，竟然會愈食愈辣，連我平時食魚蛋粉落四五羹辣椒油嘅辣人都頂唔住，一邊食一邊吹條脷(有啲樣衰！)不啲汁唔係淨係得個辣字，仲酸酸哋好開胃！我盡量快食個魷魚，唔想將佢放涼咗，個魷魚嘅熱加埋個中辣汁嘅酸辣，令我望住檔嘢想去排多轉，買多兩串(我排咗十分鐘至買喥三串)見喥我個frd平時唔食辣，竟然揸住串辣魷魚逐少逐少好似魚啄蟲咁都要食，真係我都覺得
言歸正傳，我哋兩個人去南丫島第一件事諗起就係一定要食呢檔串燒！
一落船我哋兩個人直向住串燒檔進發，沿途仲喺度諗食邊幾樣，點知……去到嘅時候，暫時得番雞肉同魷魚！唔理喇！照要！
我要咗雞肉及魷魚各一配中辣汁，一見喥已經流口水(而家講起又流過！) 熱辣辣加上中辣汁-- 嘩！正！起初啲雞肉望上去以為燒「老」咗，原來唔係，咬一啖仲有肉汁流出嚟，雖然都知係冰鮮，但都有啲肉汁，老細確係掂呀！唔駛三啖我已經解決串雞肉，再進攻串魷魚。
魷魚燒得好香口！雖然全部都係魷魚鬚，但佢都燒得幾好，唔會個尾燶晒無得食！(不過見佢都有幾串係燒燶咗擺喺度無人要嘅！唔知點解仲唔扔呢？)個魷魚配個中辣汁，竟然會愈食愈辣，連我平時食魚蛋粉落四五羹辣椒油嘅辣人都頂唔住，一邊食一邊吹條脷(有啲樣衰！)不啲汁唔係淨係得個辣字，仲酸酸哋好開胃！
我盡量快食個魷魚，唔想將佢放涼咗，個魷魚嘅熱加埋個中辣汁嘅酸辣，令我望住檔嘢想去排多轉，買多兩串(我排咗十分鐘至買喥三串)
見喥我個frd平時唔食辣，竟然揸住串辣魷魚逐少逐少好似魚啄蟲咁都要食，真係我都覺得值得，事實佢個汁啲汁調得好！我個frd仲食咗三啖喥就覺得辣到有啲暈，兩眼都流眼水，我唔忍心，唯有攞過個膠袋叫佢入住慢慢食！
喺行完兩個鐘後，我又再走去排隊食呢檔串燒，今次多多樣-- 豬肉！即叫一串(因為沿途食咗好多嘢，唔想夾硬食，咁樣會破壞對個食物嘅觀感)
個豬肉好似五花腩咁，面層係一層肥肥哋嘅皮，不過經過燒烤，已經變得少少韌但一啲都唔肥膩，咬落仲有啲「趙頭」好香！而之後嗰層肉好「冧」好軟，一啲都無渣！食完都唔駛剔牙！今次我配沙爹汁加大辣汁，一啲都唔辣！沙爹嘅花生甜甜哋香味混和大辣嘅辣但仍保留酸酸味，簡直係齒甲留香呀！
雖然係十蚊串，但我覺得係絕對抵嘅！
1. 味道獨特，酸辣分明
2. 佢份量都唔算少
3. 有燒烤風味，即燒熱辣辣
有個念頭不如每一個月去一次南丫島，為嘅就係食佢嘅串燒！
Post