Video
Read full review
2020-11-08
496 views
旺中係繼葵廣之後另一個掃街熱點，有唔少人氣既小食店，呢間位於1樓旺中同新之城之間既四川小食都係其中之一，經過youtuber加持之後，今日嚟到排晒長龍。呢度主打各款麻辣小食例如皮蛋、青瓜、金錢肚、豬肚等，另外仲有人氣既涼皮同涼麵。四川涼皮（加豬肚）（小辣）涼皮叫咗小辣，另外再加$10豬肚，豬肚切得比較幼身，但份量頗多，好抵食。涼皮係即叫即撈，見到姐姐落咗好多醬汁同調味料，呢度嘅涼皮係比較大塊而且比一般厚身少少，食落好軟滑同涼浸浸，消暑一流。味道方面一開始食落有少少刺激感，小辣既辣度比較容易接受，唔會太搶，不過食到最尾，底層既涼皮浸住d麻辣醬汁，辣度就比較有攻擊性，食到小編流晒鼻水，頭皮都出汗lol，食完之後辣味持續咗一段時間先消散。聽過有其他人可以叫小小辣，佢嘅調味真係幾惹味幾出色，下次再食可以試下小小辣。人均消費：$40推介指數（10分為滿分）：8.5分
四川涼皮（加豬肚）（小辣）
涼皮叫咗小辣，另外再加$10豬肚，豬肚切得比較幼身，但份量頗多，好抵食。涼皮係即叫即撈，見到姐姐落咗好多醬汁同調味料，呢度嘅涼皮係比較大塊而且比一般厚身少少，食落好軟滑同涼浸浸，消暑一流。味道方面一開始食落有少少刺激感，小辣既辣度比較容易接受，唔會太搶，不過食到最尾，底層既涼皮浸住d麻辣醬汁，辣度就比較有攻擊性，食到小編流晒鼻水，頭皮都出汗lol，食完之後辣味持續咗一段時間先消散。聽過有其他人可以叫小小辣，佢嘅調味真係幾惹味幾出色，下次再食可以試下小小辣。
人均消費：$40
推介指數（10分為滿分）：8.5分
Post
