漁舍酸菜魚 (Closed)

同事佢話想食酸菜魚，就去咗公司附近嘅北角匯，有一間叫漁舍酸菜魚嘅餐廳，佢嘅午餐主打漁舍招牌粉麵餐，佢仲有其他麻辣口水雞，老乾媽五層肉等等，一聽就知呢間食辣野 粉麵餐可以揀不同湯底，有招牌酸菜湯，惹味水煮湯同埋清香魚湯，肉類就可以揀海臚魚，牛肉同埋豚肉，麵底可以揀米線，薯粉，淮山麵，烏冬麵同白飯，另外仲可以加$10 配其他嘅配料。我揀咗酸菜魚配白飯，辣度就微辣 (因為唔太食到辣)，酸菜魚上枱，好大碗，海臚魚都有好多舊，酸菜同湯底偏酸，我叫微辣，但食落都好辣，食到滿頭大汗，睇嚟四川野都係唔啱我口味