十二味麻辣三兄弟 (Closed)

有日突然想食辣野，行過見個名"十二味麻辣三兄弟"，個名咁搞鬼既。點左招牌麻辣香鍋，而口味就選擇左孜然味，配料揀左鮮蝦、豬手 羊肉 肥腸，點完菜念起以前響深圳街邊食過d串燒，已經有d期待。一見到鍋，心諗洗唔洗咁大碗，d辣椒好似變種辣椒，好鬼大隻。初頭一望以為會勁辣，但食落只覺係譚仔四小辣級別。配料同辣椒一齊爆香，最正係鮮蝦d蝦殼爆香晒可以連殼食，肥腸，豬手同羊肉吸晒d孜然味，整體幾惹味。叫左推介既桂花冰釀，飲落去甜甜地，酒味唔濃，似糖水咁，但可以沖淡下油膩感。