八一蕃巴蜀烤魚店 (砵蘭街) (Closed)

去FD屋企玩，晚上求其揾間FD幫襯開嘅鋪頭試試。哩間晚上都幾full下，差唔多全場坐滿，睇落食客似街坊多D，都幾期待下。可樂同雪梨茶，食開辣嘢一定要叫啲汽水或者下火茶，解辣一流。子薑皮蛋，FD嘅最愛，皮蛋分量都幾多下，同子薑一齊食別有風味。涼拌耳絲鳳爪，哩碟前菜都幾辣下，耳絲同鳳爪OK，估唔到最好食係配菜，胡羅蔔絲同青瓜絲預先醃制，超級好味。大漠羊肉串，落咗孜然同鹽調味，已經可以帶出羊肉香味，烤得唔錯。燒白鱔，落咗秘制醬汁烤制，皮燒得脆啵啵，OK。巴蜀烤魚草鯇魚細邊（麻辣味），細邊一D都唔細，配料仲有豆腐皮，薯粉，芽菜，大蔥等。鱼都是新鮮現烤，所以食落好嫩滑，仲要冇骨，叫咗中辣，都幾辣。。最好食嘅係薯粉，薯粉嗦曬麻辣湯底，好Q彈好惹味。成份烤魚食落勁飽，細邊分量好啱兩個女仔，可以食烤魚，又可以食到好多小菜，食完真係超饱TIM。