Video
Read full review
2018-12-31
1359 views
路過呢間，一於食吓辣。招牌菜係鴛鴦魚頭王 $168， 剁椒半紅半黃，是為鴛鴦。紅色一邊係偏酸辣，黃色果邊係泡椒偏咸辣。個人比較喜歡黃色，因為比較香囉。魚頭份量好足，很大一條淡水魚，近背的一邊很多骨，魚腩位先食得掂。香辣咸酸又夠重口味，十足十正宗響大陸食到的味道。小炒黃牛肉 $138其實好細碟，牛肉同芹菜辣椒等配料切到「碎濕濕」，俾埋隻匙羹，明係撈飯用。黃牛肉係比較硬身的，幾韌但有牛味。越食越辣，撈飯一流，係貴左D囉。炒椰菜花$68配料多多，有青紅辣椒，有肥肉，炒得好香口，幾辣吓。盤是大，不過椰菜花唔算多，一陣子就食完，未能儘興。砂鍋飯$10用左砂鍋原盎蒸，飯質偏淋。砂鍋其實好淺，所以份量奇少，只有正常飯碗的一半咋。咁都收 $10，偏偏食辣野又要食好多飯，搶錢的。
招牌菜係鴛鴦魚頭王 $168， 剁椒半紅半黃，是為鴛鴦。
紅色一邊係偏酸辣，黃色果邊係泡椒偏咸辣。個人比較喜歡黃色，因為比較香囉。
魚頭份量好足，很大一條淡水魚，近背的一邊很多骨，魚腩位先食得掂。香辣咸酸又夠重口味，十足十正宗響大陸食到的味道。
小炒黃牛肉 $138
其實好細碟，牛肉同芹菜辣椒等配料切到「碎濕濕」，俾埋隻匙羹，明係撈飯用。黃牛肉係比較硬身的，幾韌但有牛味。越食越辣，撈飯一流，係貴左D囉。
炒椰菜花$68
配料多多，有青紅辣椒，有肥肉，炒得好香口，幾辣吓。盤是大，不過椰菜花唔算多，一陣子就食完，未能儘興。
砂鍋飯$10
用左砂鍋原盎蒸，飯質偏淋。砂鍋其實好淺，所以份量奇少，只有正常飯碗的一半咋。咁都收 $10，偏偏食辣野又要食好多飯，搶錢的。
Post
