湘蜀人家

Open Now

Now Closed

揭到手都跛都未諗到食乜嘢好，好似樣樣都想食咁樣。如果得我一個人揀，我諗真係出年都未揀到自己想食啲乜嘢，好彩有人幫我決定姐。涼菜呢，就冇食到平時好鍾意食嘅口水雞。今日就轉行食蒜泥白肉，呢個蒜泥白肉嘅算真係非常之正，唔係普通嘅生蒜，都係經過調味嘅生蒜。一啖蒜，一啖青瓜再配埋半肥瘦嘅薄切白肉，正！有時候我都會叫呢一個水晶涼粉嚟食嘅，呢度嘅水晶涼粉做得不錯，夠濃味，微辣，但係就略為軟身左少少。水煮牛肉係我每一次食必叫嘅菜式 呢度嘅牛肉冇用肥牛，係用鮮牛肉。所以食落去就會比較瘦身，但係佢唔會好韌，入邊總會有萵筍，芽菜同埋水晶粉，非常之豐富。而佢嘅麻味唔算重，但係辣味就一流。仲有個宮保雞丁，呢一個宮保雞丁真係啱晒啲非常之鍾意食辣嘅人士，因為除咗雞丁之外佢會配上紅椒同埋青椒都係非常之辣，我爭啲食到噴火咁滯。喺呢度點川菜店員從來都冇問到我係需要啲乜辣度，但係平時食開中辣嘅我，對於佢呢一個拿到來講就覺得啱啱好，仲有少少挑戰性添。如果真係食都冇咁辣嘅就建議主動同返店員講小辣喇。