Video
Read full review
2021-05-28
276 views
天口熱, 無乜胃口, 食D辣野開下胃係基本啦. 餐廳一向服務都好好, 電話外賣自取有七折之餘, 仲主張即叫即煮, 所以出發前叫定, 就剛剛好. 仲要送冷或熱飲, 凍飲仲要唔駛加錢添.酸菜江團魚, 食得辣既, 建議嗌大辣, 魚片滑得很, 軟得黎有時一夾就斷開添, 但大部份都有連埋魚皮, 如果唔鍾意食魚皮既人, 可能要考慮一下喇.佢會送埋個白飯既, 我最興就係撈埋D酸菜湯一齊食, 雖然唔係人人接受倒, 但真係份外惹味.同事食水煮魚同水煮牛, 今次叫左大辣, 辣到佢地飛起, 水煮比酸菜係辣D既, 所以下次水煮都係叫返中辣好D. 鮮牛肉都好嫩滑, 份量都算多既.再一次讚下店員, 本身同事點餐佢只係話要檸茶走甜, 平常無講凍, 就等於係熱架啦, 原來佢係要凍既. 當佢去取餐個陣, 佢問店員可唔可以換杯凍既比佢, 真係可以比佢換倒, 唔係間間餐廳都咁好相與架.最後提供埋外賣餐單, 因為餐廳情調比較暗, 所以拎左張返黎影個清晰版既, 開心SHARE.
酸菜江團魚
$78
11 views
0 likes
0 comments
佢會送埋個白飯既, 我最興就係撈埋D酸菜湯一齊食, 雖然唔係人人接受倒, 但真係份外惹味.
水煮江團魚
$78
13 views
0 likes
0 comments
水煮鮮牛肉
$78
12 views
0 likes
0 comments
再一次讚下店員, 本身同事點餐佢只係話要檸茶走甜, 平常無講凍, 就等於係熱架啦, 原來佢係要凍既. 當佢去取餐個陣, 佢問店員可唔可以換杯凍既比佢, 真係可以比佢換倒, 唔係間間餐廳都咁好相與架.
最後提供埋外賣餐單, 因為餐廳情調比較暗, 所以拎左張返黎影個清晰版既, 開心SHARE.
Post
