Video
Read full review
2023-06-17
438 views
首先要讚一讚職員服務態度真係好好，見到在場有一半都係熟客，代表住餐廳客人回頭率高👍🏻。當我地安排好位置後職員亦有介紹餐牌，再俾時間我地慢慢揀。🐤#至尊麻辣雞煲 (半隻) ($158)▪️見到至少用咗兩種辣椒去煮，香味好足▪️雖然我哋叫小辣，但辣椒嘅數量都唔惹少嫁😳▪️雞件非常入味唔會乾柴▪️最抵讚係叫加湯唔係就咁倒啲水俾你，而係加雞煲本身嘅麻辣湯，所以就算食到尾味道都唔會淡😍之後就介紹下我地叫咗啲咩配料啦👇🏻🐷#西班牙黑豚肉 ($98)▪️一碟有十幾片▪️半肥瘦質質感都幾彈牙🐑#内蒙古羊肉卷 ($78)▪️份量同豬一樣咁多(仲平啲添😝)，一卷卷摺成兩行▪️肉質較爽帶少少羊騷味▪️同麻辣湯底十分夾✨🫔#響鈴卷 ($32)▪️八件全部大大舊▪️雖則唔係即炸相對冇咁脆但至少冇油益味🥙#時蔬拼盤 ($58)▪️有油麥菜、金菇、黃芽白同埋福花▪️蔬菜新鮮同洗得好乾淨🥰▪️吸哂湯底嘅味道，好濃但亦十分吸油(特別係油麥菜)另有主食，我覺得呢邊餐牌嘅食物特別抵食👇🏻🍜#酸辣粉 ($48)▪️可以再細分至四碗▪️紅薯粉煙煙韌韌，口感極佳▪️酸與辣達至一個完美的平衡🥣#桂花冰粉 ($28)▪️冰粉本身冇味道，口感似啫喱，冰冰涼涼溝埋紅糖水甜
首先要讚一讚職員服務態度真係好好，見到在場有一半都係熟客，代表住餐廳客人回頭率高👍🏻。當我地安排好位置後職員亦有介紹餐牌，再俾時間我地慢慢揀。
🐤#至尊麻辣雞煲 (半隻) ($158)
▪️見到至少用咗兩種辣椒去煮，香味好足
▪️雖然我哋叫小辣，但辣椒嘅數量都唔惹少嫁😳
▪️雞件非常入味唔會乾柴
▪️最抵讚係叫加湯唔係就咁倒啲水俾你，而係加雞煲本身嘅麻辣湯，所以就算食到尾味道都唔會淡😍
之後就介紹下我地叫咗啲咩配料啦👇🏻
🐷#西班牙黑豚肉 ($98)
▪️一碟有十幾片
▪️半肥瘦質質感都幾彈牙
🐑#内蒙古羊肉卷 ($78)
▪️份量同豬一樣咁多(仲平啲添😝)，一卷卷摺成兩行
▪️肉質較爽帶少少羊騷味
▪️同麻辣湯底十分夾✨
🫔#響鈴卷 ($32)
▪️八件全部大大舊
▪️雖則唔係即炸相對冇咁脆但至少冇油益味
🥙#時蔬拼盤 ($58)
▪️有油麥菜、金菇、黃芽白同埋福花
▪️蔬菜新鮮同洗得好乾淨🥰
▪️吸哂湯底嘅味道，好濃但亦十分吸油(特別係油麥菜)
另有主食，我覺得呢邊餐牌嘅食物特別抵食👇🏻
🍜#酸辣粉 ($48)
▪️可以再細分至四碗
▪️紅薯粉煙煙韌韌，口感極佳
▪️酸與辣達至一個完美的平衡
🥣#桂花冰粉 ($28)
▪️冰粉本身冇味道，口感似啫喱，冰冰涼涼溝埋紅糖水甜甜地好解辣
▪️配料有提子乾、果肉
▪️可以分好幾碗
飲品都有好多款👇🏻
🍷#慾望酸梅汁 (一杯$28)
▪️同酸梅湯有啲分別，但味道仍係酸酸甜甜的
▪️幾開胃同大杯，兩個人share都夠飲
大家如果經過不妨試下，我個人認為酸辣粉真係好食👍🏻，午市時段過嚟食個lunch都唔錯。下次嚟會再試埋#自選香鍋😛。
Post
