稻成小館 (Closed)

難得終於冇落雨，放假可以去遠少少行街，今日同友人去左屯門市廣場shopping，經過呢間稻成小館川菜餐廳，嗜辣既我地又點可以放過呢個難得既機會餐廳環境好舒服，柔和既燈光特別既室內設計，感覺好有feel依家店裡有期間限定既巴蜀烤辣魚，即刻放底棄左食片皮鴨既念頭。另外我地仲嗌左四川酸辣湯，夫妻肺片，小籠包，熗炒高麗菜。上菜時間算快，唔使等好耐就已經有野上枱。夫妻肺片-片片大而薄，麻辣鮮香，質地軟嫩，一口接一口停唔到，開胃小菜一流四川酸辣湯-配料份量啱啱好，酸辣適中，實屬開胃佳品。小籠包 - 每籠有4件，份量啱啱好，皮算薄身但唔會一夾即散，熱辣辣既湯汁，香甜既味道，絕配。熗炒高麗菜-呢個係我最欣賞既菜式，因為越易整既野越難整得好食，但呢個高麗菜絕對夠哂獲氣，而且辣味完全溶入菜入面，一流。烤魚-我地揀左中辣，烤魚係黃花魚，唔算多骨，烤魚烤得好靚，肉質鮮嫩，唔鞋口仲有個辣都做得好出色，不過烤魚入面就冇任何既配菜，就有少少失望。但總括黎講若果再次去屯門行街，稻成小館必定會再次光顧。