湘蜀人家

Open Now

Now Closed

呢幾日不斷都有啲驟雨，個人覺得濕氣好重。今日晏晝決定食啲辣野，驅一驅身上啲濕氣。經同事介紹吓，嚟到呢間位於灣仔大有商場入邊嘅四川餐廳。餐廳入邊裝修非常之古色古香，座位都十分寬敞，未食嘢，環境已經贏咗先。今日我哋嗌咗三樣餸，分別係麻婆豆腐、口水雞、同埋呢度嘅招牌菜之一水煮魚。　麻婆豆腐方面，食落去非常之香，唔會太辣，拎嚟送飯真係一流。麻婆豆腐入邊嘅肉粒份量都非常多，唔會偷工減料。口水雞方面，識落就骨多過肉，同埋個辣係死辣，完全唔香口，呢碟非常之失望。至於招牌嘅水煮魚，魚肉份量都好多，煲底都仲有其他配菜，例如芽菜、薯粉、青瓜麵筋等等，雖然係辣，但係辣得非常之香，應該係三碟入邊最好食嘅。另外一人嗌咗一杯豆漿，普普通通，冇乜特別。三個人，嗌左三樣嘢食，三杯豆漿，加埋三碗白飯，成為每人$120。呢個價錢係灣仔來講，屬於不過不失。