滿江紅 (Closed)

朋友雖然唔係好食得辣, 但卻鍾情酸菜魚, 今日就專誠帶佢嚟呢間位於尖沙咀加連威老道嘅正宗四川菜 - 滿江紅, 食酸菜魚！點菜前問侍應有冇辣度選擇, 侍應表示酸菜魚無咩辣味, 所以就無特別要求少辣。酸菜桂花魚$278食落其實比想像中辣, 朋友就唔係好食到啦, 我就食得津津有味。桂花魚肉夠新鮮！肉質紮實且富有彈性, 仲起晒骨, 啖啖都係肉。湯頭酸度不算高, 湯中加咗唔少菇菌, 增添鮮味。香油萵筍絲 $38很喜歡萵筍絲獨特嘅爽脆口感, 拌上香油更令人停唔到口。