辣吧 (Closed)

一直都想搵機會試下辣吧，今日同朋友經開尖沙咀就順便去試下，點知一試有驚喜。入座侍應好快安排我同朋友住四人枱，坐得闊落之餘仲可以多好多位放嘢食，坐得好舒服。我同朋友揀左人頭價288既6款海鮮麻辣鍋。揀左蘿白，芽菜，土豆粉同埋生菜。海鮮有扇貝，蝦，魷魚，鮑魚，花甲同埋蟹。每款海鮮都好新鮮，由於我同朋友都只係叫左小辣，所以依然食到海鮮既鮮味。花甲個人最中意。所有海鮮份量都好多，計落其實都幾抵食。配料最後吸哂辣湯汁食超正，麻麻辣辣食得好過癮。