十二味 (LADDER Dundas) (Closed)

今日午餐去咗十二味，呢度係食四川菜嘅，所以呢有好多嘢都落好多辣椒，鍾意食辣嘢嘅人就最啱黎呢度食飯。叫咗兩份午餐，嗌咗個兩隻辣椒程度嘅水煮魚： 水煮魚有魚肉，有闊條河粉，闊條河粉煙煙靭靭，仲要係好超好食，佢嘅湯可以嚟撈飯食，飲一口， 你會即刻大嗌超好飲， 魚肉嘅肉質超正，十分足料。嗌咗個蔥油拌麵， 蔥油拌麵麵質煙煙靭靭， 醬汁濃郁，仲好香㖭，呢個係素食嘅麵。跟套餐配咗杯酸梅湯同埋菊花蜜， 食辣嘢飲杯凍冰冰嘅嘢飲就最啱。嗌咗個小食蒜泥青瓜 ，蒜泥超級香濃，青瓜超級爽口，食到停唔到口。另外嗌多杯熱情果梳打，呢杯熱情果梳打好大杯，好足料，好好飲。