英記油渣麵

Open Now

Now Closed

好多年前同朋友嚟食過一次，覺得啲油渣麵好正、油渣香口、辣椒油簡直喺神級！香！辣！野味！個時仲買咗一樽返屋企慢慢食🤣煮麵會落、炒嘢又會落、打邊爐啲醬又會落… 多年後再去多次，發現油渣麵已大不如前，喺咪因為多咗人食？定係轉咗廚房師傅？還是人大咗口味變咗？唔知！我只知道，辣椒油同以前一樣，依舊咁好食！咁多！咁辣！咁野味！ 🌶油渣需好味，但冇以前咗鬆脆…麵質就唔太記得一唔一樣了，反正油渣麵個重點喺油渣，所以麵冇特別去記住啲麵如何😂話需如此，其實英記已經比其他出名嘅油渣麵好味，例如深水埗名店😂大家應該知我講邊間吧？今次亦一樣，買返樽辣椒油返屋企慢慢嘆🤤整返個出前一丁餐蛋麵配英記辣椒油🌶