Video
Read full review
2022-07-27
695 views
近期少幫襯八方雲集, 因為服務態度愈來愈差, 大圍隆亨店等得耐老細又呼呼喝喝, 旺角花園街D姐姐又吋.重有一個特式, D店舖總係無門, 搞到走哂D冷氣! 舗頭熱之餘又浪費能源!如果唔係女友小熊話想食麵線, 都唔係去幫襯! 熱死辣辣重要受氣!哩間灣仔店D姐姐服務算唔錯, 反而係細細間鋪頭遇上D麻Q煩客, 一人霸二張枱凳又有, 阻住人做生意玩直播又有! 反感!一直都想試試佢地嘅牛肉麵, 只不過好唔想去幫襯, 今次可以還心願.有幸去過台北西門町食過阿宗麵線, 八方雲集嘅麵線同佢分別不大, 單單論麵線的話嫌湯水過多, 湯水質感唔夠濃郁, 而麵線夠軟滑, 最失敗係無蔥.睇漏咗牛肉麵係小辣, 擔心實際係大辣, 明白有時D麵有少少辣惹味得多, 但次次中伏少辣變大辣, 所以好鬼大介心! 牛肉麵上有一層薄薄紅油, 經驗話我知唔會太辣, 果然味道係少辣, 甚至對於好多香港人嚟講, 係唔辣! 麵質彈牙唔係我中意嘅口感, 牛肉有根有腩有牛𦟌位, 牛根夠冧而牛腩同牛𦟌口感仍算鬆軟口感唔硬唔韌, 滿意.食到尾, 都唔會搞到成頭大汗, 湯底嘅辣度啱啱好令到成碗麵好惹味，好滿意！最驚喜係杯百香果綠茶, 以為杯綠茶
重有一個特式, D店舖總係無門, 搞到走哂D冷氣! 舗頭熱之餘又浪費能源!
如果唔係女友小熊話想食麵線, 都唔係去幫襯! 熱死辣辣重要受氣!
哩間灣仔店D姐姐服務算唔錯, 反而係細細間鋪頭遇上D麻Q煩客, 一人霸二張枱凳又有, 阻住人做生意玩直播又有! 反感!
一直都想試試佢地嘅牛肉麵, 只不過好唔想去幫襯, 今次可以還心願.
有幸去過台北西門町食過阿宗麵線, 八方雲集嘅麵線同佢分別不大, 單單論麵線的話嫌湯水過多, 湯水質感唔夠濃郁, 而麵線夠軟滑, 最失敗係無蔥.
睇漏咗牛肉麵係小辣, 擔心實際係大辣, 明白有時D麵有少少辣惹味得多, 但次次中伏少辣變大辣, 所以好鬼大介心! 牛肉麵上有一層薄薄紅油, 經驗話我知唔會太辣, 果然味道係少辣, 甚至對於好多香港人嚟講, 係唔辣!
麵質彈牙唔係我中意嘅口感, 牛肉有根有腩有牛𦟌位, 牛根夠冧而牛腩同牛𦟌口感仍算鬆軟口感唔硬唔韌, 滿意.
食到尾, 都唔會搞到成頭大汗, 湯底嘅辣度啱啱好令到成碗麵好惹味，好滿意！
最驚喜係杯百香果綠茶, 以為杯綠茶淡茂茂無哩味道點知原來夠甜夠濃無偷工減料, 開心中!
今次八方雲集係開心經歷, 由地獄拉番上嚟, 希望正視一下D冷氣問題同某D店服務態度.
台灣牛肉麵
67 views
0 likes
0 comments
左麵線右鍋貼
94 views
0 likes
0 comments
韭菜鍋貼
39 views
0 likes
0 comments
Post
