柳氏家 (Closed)

真係好掛住韓國D春川炒雞。香港食韓國炸雞就多，同時有埋炒雞嘅呢間都算唔錯。價錢唔係太貴200幾，有齊烤肉，炒雞，炸雞同其他小食。 如果係雞肉控，呢間都滿足到，烤肉選擇就唔算太多。必試嘅，當然係三款炒雞，仲可以無限追加，個人認為辣炒雞果款最好食。 烤肉同小食除咗菜單，出面仲有個小型自助bar 可以夾下D午餐肉，泡菜等小食。值得一讚嘅係呢間餐廳真係好乾淨衛生👍🏻抽風一流，食完都唔會話好大陣油煙味。店員服務好高質👍🏻一間餐廳味道固然重要，但外在環境因素呢間都真心好好👍🏻👍🏻食完飯門口仲有衣服清新噴霧可以自助噴衫，香噴噴咁走👍🏻貼心👍🏻十分滿意，推薦♥️