Video
Read full review
2024-07-12
2423 views
星期四夜晚嚟到唔算多人，啱晒同朋友嚟吹住水食好嘢🥳 一坐低已經有位女店員好好笑容咁問我哋有冇嚟過，知道我哋冇嚟過之後就同我哋介紹下個餐牌，同時又有提供即棄圍裙、醃製蘿蔔同埋芽菜，算係幾貼心嘅服務。 辣炖雞湯 (S) ($328) + 芝士炒飯 ($50)我哋兩個人叫咗個細嘅，本身聽到有一隻雞都有啲擔心，但係食落又覺得份量啱啱好🤣 辣度方面，我哋揀咗普通🌶️，睇落好刺激，但係食落的確唔太辣（根據店員嘅介紹，大概係十小辣）。雞湯入面除咗雞之外，仲有大量年糕、大蔥、薯仔等等嘅配料。女店員上菜時有問我哋想將啲蒜蓉撈落去湯底，定係放落醬油度，又有詳細教我哋點食，值得一讚～初初食年糕覺得唔夠入味，但係就已經夠晒煙韌，去到後期再食入晒味就正好多😍 雞肉做到骨肉分離，唔會太過嚡／韌，點埋個醬油就更加好食～唯一嘅缺點係，個鍋滾得耐咗會令到啲雞肉有少少🤏🏼太過濃味。食到咁上下，店員留意到我哋啲湯就嚟冇晒，於是問我哋打唔打算加炒飯，話如果唔加炒飯就可以幫我哋再加湯。結果我哋抵擋唔住芝士🧀嘅吸引力，加咗個芝士炒飯😆 店員係用返我哋個湯底嚟炒嗰個飯，啲芝士拉晒絲咁，好正😋 不過可能因為啲飯比較吸湯，個飯係辣過本身
辣炖雞湯 (S) ($328) + 芝士炒飯 ($50)
29 views
0 likes
0 comments
30 views
0 likes
0 comments
我哋兩個人叫咗個細嘅，本身聽到有一隻雞都有啲擔心，但係食落又覺得份量啱啱好🤣 辣度方面，我哋揀咗普通🌶️，睇落好刺激，但係食落的確唔太辣（根據店員嘅介紹，大概係十小辣）。雞湯入面除咗雞之外，仲有大量年糕、大蔥、薯仔等等嘅配料。女店員上菜時有問我哋想將啲蒜蓉撈落去湯底，定係放落醬油度，又有詳細教我哋點食，值得一讚～
初初食年糕覺得唔夠入味，但係就已經夠晒煙韌，去到後期再食入晒味就正好多😍 雞肉做到骨肉分離，唔會太過嚡／韌，點埋個醬油就更加好食～唯一嘅缺點係，個鍋滾得耐咗會令到啲雞肉有少少🤏🏼太過濃味。
食到咁上下，店員留意到我哋啲湯就嚟冇晒，於是問我哋打唔打算加炒飯，話如果唔加炒飯就可以幫我哋再加湯。結果我哋抵擋唔住芝士🧀嘅吸引力，加咗個芝士炒飯😆
店員係用返我哋個湯底嚟炒嗰個飯，啲芝士拉晒絲咁，好正😋 不過可能因為啲飯比較吸湯，個飯係辣過本身個湯少少嘅。
紫菜粉絲卷 ($45)
74 views
0 likes
0 comments
係紫菜包住一堆粉絲，然後成舊拎去炸🔥 紫菜都仲有少少脆，本身以為入面啲粉絲都應該仲有少少煙煙韌韌，估唔到係軟淋淋咁樣，又幾得意😋
唯一可以挑剔嘅地方就係略嫌炸粉有啲啲厚，如果可以再薄少少就完美喇！
韓式糖餅 ($50)
35 views
1 likes
0 comments
未食過糖餅，又見佢餐牌有隻手指公，所以就嗌嚟試下。餅皮脆脆哋，但係咬落就煙煙韌韌咁，入面個餡都幾重黑糖味，但係又唔會太甜，唔錯唔錯🤤
總括而言嚟講，今次係個唔錯嘅體驗，食物好食得嚟份量又好足，店員服務態度亦都好好，下次再想食韓國菜的話一定會再幫襯！👍🏼
Post
