祥仔辣辣 (The LOHAS) (Closed)

呢間餐廳我想講我想食咗一段時間開頭想食嘅原因係因為之前去康城見到隻好大嘅公仔吸引咗🤣🤣上網睇先知原來係Ricky大廚開，難怪叫祥仔啦而且呢排勁鍾意食酸菜魚，所以就的起心肝約朋友嚟食，我想講間餐廳坐得舒服又大，最緊要有個無敵大海景。招牌祥仔酸菜魚 $248佢酸菜魚應該係用鱸魚整，而且份量都幾多，叫咗小辣雖然辣椒多，但係唔算好辣紅燒牛腩石鍋飯 $128冇諗過呢個飯啲肉同埋飯係會分開，啲牛腩幾淋幾入味福建炒蝦麵 $128估唔到呢個又真係幾好食，佢唔會話好油，最緊要啲蝦夠爽口，感覺似平時食茶樓新鮮蝦燒賣上面啲蝦仲要加$10就會有一大杯嘅嘢飲，仲有四款揀。最欣賞佢嘅杯碟，勁靚。