爆汗串串 (Closed)

眼見有四川辣串幾有趣便蒲入去食了，快餐廳格局，環保點餐紙，幾好。因未食過，所以揀咗一陣，但阿姐好心急地諗住逐樣幫我地落單，已經覺得好奇怪，終於揀完老公咁揀好一份食物，阿姐落單後已經收哂餐牌及點餐紙，請佢留多份都唔肯，叫我地自己去隔離位拎真係好奇怪！等咗十分鐘左右便上餐了，叫了一碗肥腸麵、菜及麻辣串。個麵好好食，肥腸夠味又不太咸，沒有搶了麻煩的味道。而個麵就好好食，麵質有點口感，煙煙韌韌咁，bb辣的湯都好好味道。串串方面⋯⋯叫了牛，雞，餐肉，雲耳，腎。每款三串，每串一舊。整體好入麻辣味，又夠滑。不過串串無得揀辣度，要注意是否可接受。