川婆婆麻辣燙 (Closed)

今日好懶，唔想出去食lunch, 諗起想食川婆婆嘅麵，就打去叫外賣，因為要滿$80先肯送黎我公司，所以要跟同事一齊叫，12pm 打去，要1pm 先送到，等咁耐, 肚餓真係幾難忍~ 同埋聽電話個男人，態度好差，佢想發脾氣咁，唔知佢本身躁底定太多order 做唔切~之前親身去買過，女人態度比較好!我揀左套餐C，4餸+ 1粉 ($40) , 湯底要左BB辣，餸叫左黑椒牛丸，魚片頭，芝士腸，白籮卜，粉麵就揀左烏冬值得讚係外賣黎到，碗烏冬仲係熱嘅，食落少少辣，係幾惹味~ 比較喜歡黑椒牛丸，幾爽口，但籮卜太大舊，切细d會好d