麻辣妹 (Closed)

話說之前都幫襯過彌敦道嗰間分店，不過嗰間就係外賣店，主要做小食為主，今次經過旺角通菜街見到佢嘅分店，見到比較似一間正式嘅餐廳，餐牌都有唔同嘢食，就行咗入去試吓啦。地理位置冇得講，因為係女人街10分方便，餐廳嘅位置都非常寬敞，再望一望個餐牌入邊嘅嘢食，價錢都比較便宜，性價比幾高，例如口水雞、蒜泥白肉都只係$32。佢嘅重慶小窩紅薯粉$27，佢唔知普遍見到嘅重慶湯底，比較偏向白色，飲落好重豬骨味，佢嘅酸味同埋辣味都比較溫和，如果你哋想食重口味嘅建議叫中辣或以上。