泰贊- 創意泰餐廳 (Closed)

-泰式三文魚他他配多士 🥯三文魚嘅質素唔錯，脂肪分布均勻，唔係hea你既三文魚。混合埋類似千島醬同辣椒🌶️嘅醬汁，放喺硬脆嘅多士片上面食，係新鮮創新既Fushion菜。-生牛肉湯河🍜淡淡的湯底都幾香牛肉味，河粉比較粗身，質感唔太滑。而薄薄嘅生牛肉片，份量偏少，味道尚可。-肉眼扒配糯米飯及泰式辣汁🥩牛肉嘅脂肪比例偏多，但係要肉質都算鮮嫩，切開有少少肉汁流出，生熟程度適合喜歡偏生既朋友，咬落唔會太靭。個辣汁唔會太辣，酸辣既味道原來都幾配合牛肉加糯米飯，點埋個汁好味！但個糯米飯擺耐左就變硬，硬到要用刀切，都係趁熱食好啲。