Video
Read full review
2021-06-07
60 views
今日心血來潮，好想食川菜，諗起名廚Ricky san 係早排帶過秋生哥試食佢新開既川菜，睇到我lam Lam利，就泥咗祥仔辣辣試一試佢有幾辣。Lunch menu都幾豐富，有清淡小小既海南雞飯到水煮牛肉酸菜魚都有。朋友仔唔想太重咪所嫁叫左個海鮮湯飯，而我就叫左水煮牛肉米線拼四小碟前菜（口水雞、尖椒皮蛋、蓮藕、海蜇），再加多份酸菜魚。水煮牛肉呢樣真係好出色，色香味俱存，中辣既辣度剛好，麻辣味十分過引，牛肉順滑易入口，連米線比我一個人清哂。呢個係高水準之作，會有下次。酸菜魚呢個單點既酸菜魚好似係鋪頭既signature,用左鱸魚，切到大小適中，起好哂骨，食落都重魚味又啖啖肉，配合埋個湯，當下好想叫多碗白飯，但可惜真係太飽。入面既配菜有蓮藕芽菜等等，亦都非常索味，超級好食。食完最後見到一堆香料係底，可見鋪路有落足功夫為個酸菜魚湯打好個底。海鮮湯飯賣相可能相貌平平，但飲落真係估你唔到咁好飲。兩個人叫左三份野食本身已經好飽，而碗湯飯又極足料，我地最後都係飲到底，一滴都無哂。湯底有濃厚既魚湯味，湯呈現奶白色，似乎落用左大量魚同埋雞殼去煲，誠意十足，飲完無口渴。係食完辣到著既水煮牛同酸菜魚之後，食碗
Lunch menu都幾豐富，有清淡小小既海南雞飯到水煮牛肉酸菜魚都有。朋友仔唔想太重咪所嫁叫左個海鮮湯飯，而我就叫左水煮牛肉米線拼四小碟前菜（口水雞、尖椒皮蛋、蓮藕、海蜇），再加多份酸菜魚。
水煮牛肉
呢樣真係好出色，色香味俱存，中辣既辣度剛好，麻辣味十分過引，牛肉順滑易入口，連米線比我一個人清哂。呢個係高水準之作，會有下次。
酸菜魚
呢個單點既酸菜魚好似係鋪頭既signature,用左鱸魚，切到大小適中，起好哂骨，食落都重魚味又啖啖肉，配合埋個湯，當下好想叫多碗白飯，但可惜真係太飽。入面既配菜有蓮藕芽菜等等，亦都非常索味，超級好食。食完最後見到一堆香料係底，可見鋪路有落足功夫為個酸菜魚湯打好個底。
海鮮湯飯
賣相可能相貌平平，但飲落真係估你唔到咁好飲。兩個人叫左三份野食本身已經好飽，而碗湯飯又極足料，我地最後都係飲到底，一滴都無哂。湯底有濃厚既魚湯味，湯呈現奶白色，似乎落用左大量魚同埋雞殼去煲，誠意十足，飲完無口渴。係食完辣到著既水煮牛同酸菜魚之後，食碗咁順口既湯飯真係不錯。
四式小碟
又係估唔到每樣都做得好好，店家本身既醬油底真係出色，所有帶辣既食物都色香味並存，有辣度有麻香亦食到食材本身既味道（唯獨口水雞失色左小小），好推薦大家試下尖椒皮蛋同埋海哲花（煎底既萵筍都好好食，無草青味）！
野飲方面好推介百香果茶，另外一個青蘋果梳打就麻麻地。
Post
