川莊

Open Now

Now Closed

喺旺角諗唔到要食啲乜嘢，行吓行吓搵吓搵吓最後就去咗朗豪坊川莊到試下。印象中呢一間餐廳都喺朗豪坊屹立多時，今次就嗌咗：1）成都水煮鮮魚片（配金針菇、鮮腐竹、木耳、水晶粉皮）⭐️⭐️⭐️⭐️ / ⭐️⭐️⭐️⭐️⭐️2）酸辣土豆絲 ⭐️⭐️⭐️ / ⭐️⭐️⭐️⭐️⭐️3）家鄉手抓餅 ⭐️⭐️⭐️⭐️ / ⭐️⭐️⭐️⭐️⭐️今次呢個水煮鮮魚片嗌咗第二個辣度，始終另一半仲係喉嚨有啲唔舒服所以就唔嗌咁辣，但其實第二個辣到已經辣到我哋流晒鼻水，啲魚片好爽滑，熟度恰到好處。配料亦都吸晒啲水煮汁，只係啲粉皮有少少偏韌。酸辣土豆絲個酸味就唔算出，廚師切到土豆絲好特別，唔似坊間嘅土豆絲，佢係好似麵一樣，幾可亂真。手抓餅本人就覺得點整都唔會難食嘅主糧黎，只要佢係烤返熱脆身唔係叮翻熱，已經好好味，所以呢個手抓餅係合格嘅，但佢無用手抓過無碎上，咁究竟係薄餅定手抓餅呢？呢點就係一個扣分位。食完3個都已經飽到郁唔到，埋單$4xx，呢間嘅辣確實係比我所想嘅辣，好彩有聽職員所講，所以如果對於辣好有興趣嘅人就千祈唔好錯過。