灜鐵板燒

Open Now

Now Closed

心血來潮想食鐵板燒，即刻OpenRice search下附近有冇高汁餐廳可以滿足到我，就俾我搵到呢間叫灜嘅鐵板燒，評價都唔錯，一於就試吓😋😋1️⃣辣汁魔鬼魚魔鬼魚比較少見，所以二話不說就叫咗，結果一試愛上😍以秘製醬汁烹煮，調味到位，頗有辣勁，令我一啖接一啖咁食。肉質嫩滑，魚味香濃。越嚼越香，一啖魚一啖啤酒🍺簡直係一大樂事，令人回味無窮！2️⃣鹽焗馬友魚魚肉分層猶如千層糕，中間有塊銀杏葉增添層次感。馬友鮮味充沛，魚肉香滑唔會乾爭爭。比平時食開用豉油蒸嘅更突顯鹹鮮風味👍🏻3️⃣帆立貝北海燒面頭鋪滿creamy焦香嘅醬汁，帆立貝大大粒肉厚彈牙。甘甜於口中蔓延，滋味滿溢🤤