汀汀烤活魚 (Closed)

平時好少去荃灣搵食，今次同朋友專登嚟到呢度食野，原來呢條內條咁旺咁多食肆喎，我地好想食辣野，見到汀汀烤活魚，聽個名就好熟，平時經過旺角都見過，今晚就一於試下佢。叫左個花甲雞煲，花甲同雞本身就已經好鮮味，兩者加埋一齊，簡直不得了，雞煲好惹味，花甲除左本身嘅鮮味外亦都有雞煲嘅惹味，雞肉又夠大件份量足，少少辣得嚟又好香口。烤桂花魚上層鋪滿了芫茜芹菜同埋香口嘅炸花生，鍾意食芫茜嘅 朋友岩晒口味，芫茜吸了惹味嘅醬汁呢個麻辣汁有花椒八角香味，叫了個中辣都唔算好辣，鹹度適中，桂花魚亦都好好味、啖啖肉海鮮盤有花甲、蠔、蝦、鮮魷、青口⋯蝦有竹簽咁長，仲好生鮮，蠔亦都有成個青口咁大隻、淥完都仲搵得到，蠔味十足，花甲亦都好新鮮無沙皮蛋放滿了蒜蓉好香口、皮蛋亦都無難聞嘅亞麻尼亞味。送嘅黃豆花生亦都好好食，鹹香醒胃、黃豆也很有川味