揀得啱車仔麵 (Closed)

咁岩今日約咗朋友喺上環等，俾我發現到中環廣場2樓有間食車仔麵。而且價錢尚算親民，喺網上面發現有麻雀主題嘅米線，加上我同我朋友突然之間好想食車仔麵，所以就決定上去試下。一上咗去，就見到呢間車仔麵，好彩嗰陣未到食飯時間，所以都唔使等位。坐低左之後，本身想叫麻雀米線試下，但後尾見到有『 205辣醬』。我同朋友因為好肚餓嘅關係，所以我哋叫多咗兩個小食，分別係千杯不醉雞翼同生菜。本身以為千杯不醉雞翼係等於醉雞，但係一上到黎就發現有少少唔同，雖然係雞翼，又有酒味，但係佢冇醉雞嗰隻後勁🤫至於車仔麵方面，我同朋友都叫咗好多餸，包括有豬紅、松露雞肉水餃、豬軟骨、爆漿貢丸等等，麵底同湯底方面，我地叫左咖哩同『205辣醬』的小辣，佢有3種辣度可以選擇，因為我哋驚好辣又咁啱比店員聽到🤭佢哋好好人咁幫我哋分開上個辣醬。如果加錢配出前一丁都可以要個湯底，佢會比你自己選擇落唔落味粉落碗麵度🤤我同朋友都覺得松露雞肉水餃係其中一個值得推薦嘅，水餃皮夠薄，入面嘅松露雞肉份量十足，但都無出現爆哂出嚟嘅情況😚豬紅都係佢哋嘅主打菜之一，但我覺得叫落車仔麵有啲浪費左，下次一定要試下佢哋個麻辣豬紅！