無辣不歡 (Closed)

近日傳媒不停報道葵涌廣場有好多新嘅食肆，有麻辣燙，又有窩夫……今日放工走去行一個圈，見到其他人食緊手撕雞手卷，真係好吸引。掃街嘅精神就係食唔同嘅小食，如果食咗個手卷好似太飽啦，最後試咗另一樣蒜泥白肉青瓜卷。蒜泥白肉青瓜卷＄20/4件，每一件都脹卜卜，由一塊蒜泥白肉包住青瓜條。店主真係好聰明，一件件的青瓜卷除左賣相精緻，亦都非常方便邊走邊吃。重點係上面嘅超級濃蒜泥，再加上個麻辣汁， 真係超級勁辣，食第一啖已經感覺到麻辣，真係估唔到係咁啦，好彩當中的青瓜可以一減膩滯的感覺。