新東記火鍋店 (Moved) New Location

為咗慶祝公司成功度過第一個農曆新年，我哋成條team就去打邊爐慶祝！今次去到尖沙咀河內道嘅新東記打邊爐，呢度唔單止位置方便，而且環境舒適，一坐低，店員就介紹火鍋湯底同配料。先嚟一壺竹蔗茅根水，清熱解毒，唔會好甜，啱啱好！呢度嘅醬料都幾多，有沙爹醬、腐乳醬同芝麻醬，佐料有蒜蓉、辣椒同蔥等，我就整咗個沙爹芝麻混醬，再加辣椒粒。至於火鍋湯底，我哋揀咗皮蛋芫茜湯，因為同事們想清清哋，又唔熱氣。到火鍋配料喇，我哋都叫咗幾多野食，有鮮蝦雲吞、上海百頁結、炸魚蛋角、唐生菜、牛舌片、珊瑚蚌同鮮嫩肥牛肉例。鮮蝦雲吞粒粒大大粒，蝦肉好彈牙，皮薄餡靚，分量都幾多。呢個上海百頁結好特別，平時打邊爐好少食，煙煙韌韌咁，幾索汁，都可以。個牛舌同牛肉要讚㗎，好有牛肉味，幾大碟，會想追加！炸魚蛋角即係平時嘅魚片頭；仲有呢個珊瑚蚌，即係海參嘅腸臟，係爽嘅，所以好快熟。唐生菜我對打邊爐嘅熱情真係有增無減呀，有興趣嘅可以去一試！